TNPSC - VAO Hall Ticket Download
தமிழகத்தில் காலியாகவுள்ள 2 ஆயிரத்து 342 வி.ஏ.ஓ. பணியிடங்களுக்கான எழுத்துத் தேர்வு ஜூன் 14 ஆம் தேதி நடைபெறுகிறது. இந்தத் தேர்வுக்கென 10 லட்சத்துக்கும் மேற்பட்ட விண்ணப்பங்கள் பெறப்பட்டுள்ளன. சரியான முறையில் விவரங்களைப் பதிவு செய்து, உரிய விண்ணப்பக் கட்டணம் மற்றும் தேர்வுக் கட்டணம் செலுத்திய விண்ணப்பதாரர்களுக்கு 'ஹால் டிக்கெட்', தமிழ்நாடு அரசுப் பணியாளர் தேர்வாணையத்தின் இணையதளமான www.tnpscexams.net மற்றும் www.tnpsc.gov.in ஆகியவற்றில் வெளியிடப்பட்டுள்ளது.
விண்ணப்பதாரர்கள் தங்களது பதிவு எண்ணை (Registration ID) உள்ளீடு செய்து, நுழைவுச்சீட்டினை பதிவிறக்கம் செய்துகொள்ளலாம்.
நுழைவுச்சீட்டு கிடைக்கப் பெறாத விண்ணப்பதாரர்கள், தங்களது விண்ணப்பம் நிராகரிக்கப்பட்டுள்ளதா என்பதை நிராகரிப்புப் பட்டியலில் (Rejection List) இருந்து அறிந்து கொள்ளலாம்.
நிராகரிப்புப் பட்டியலில் இடம்பெறாத, சரியான முறையில் விண்ணப்பங்களைப் பதிவு செய்து, உரிய விண்ணப்பக் கட்டணம் செலுத்தியும் நுழைவுச்சீட்டு கிடைக்கப் பெறாத, விண்ணப்பதாரர்கள், தாங்கள் பணம் செலுத்தியதற்கான ரசீதின் நகலுடன் தேர்வாணையத்தின் மின்னஞ்சல் முகவரிக்கு contacttnpsc@gmail.com, கீழ்க்கண்ட விவரங்களைக் குறிப்பிட்டு ஜூன் 9-ஆம் தேதிக்குள் அனுப்புமாறு கேட்டுக்கொள்ளப்படுகின்றனர்.
விண்ணப்பதாரரின் பெயர், கிராம நிர்வாக அலுவலர் பதவிக்கான விண்ணப்ப பதிவு எண் (Registration ID), விண்ணப்ப தேர்வுக் கட்டணம் (ரூபாய்) கட்டணம் செலுத்திய இடம், அஞ்சலகம் இந்தியன் வங்கி வங்கிக்கிளை அஞ்சலக முகவரி.
நுழைவுச் சீட்டினை பதிவிறக்கம் செய்து கொள்வதில் ஏதேனும் சந்தேகம் இருப்பின் 1800 425 1002 என்ற கட்டணமில்லாத் தொலைபேசியிலோ அல்லது contacttnpsc@gmail.com என்ற மின்னஞ்சல் முகவரியிலோ தொடர்பு கொண்டு விளக்கம் பெறலாம் என்று தேர்வு கட்டுப்பாட்டு அலுவலர் சோபனா தெரிவித்துள்ளார்.
No comments:
Post a Comment