+2 தனித்தேர்வு: தத்கல் முறையில் விண்ணப்பித்தவர்களுக்கு இன்று முதல் நுழைவுச்சீட்டு

தத்கல் திட்டத்தின் கீழ் விண்ணப்பித்த பிளஸ் 2 தனித்தேர்வர்கள் இன்று முதல் ஹால் டிக்கெட்டைப் பதிவிறக்கம் செய்துகொள்ளலாம் என அறிவிக்கப்பட்டுள்ளது.

அரசுத் தேர்வுகள் இயக்ககத்தின் www.tndge.in  என்ற இணையதளத்தில் தங்களது விண்ணப்ப எண்ணையும், பிறந்த தேதியையும் பதிவு செய்து ஹால் டிக்கெட்டுகளை பதிவிறக்கம் செய்துகொள்ளலாம் என அரசுத் தேர்வுகள் இயக்குநர் கே.தேவராஜன் அறிவித்துள்ளார்.

கேட்டல், பேசுதல் திறன் தேர்வு மற்றும் செய்முறைத் தேர்வு செய்ய வேண்டிய தேதிகள் பற்றிய விவரங்களை ஹால் டிக்கெட்டில் குறிப்பிடப்பட்டுள்ள தேர்வு மையத்தின் முதன்மை கண்காணிப்பாளரை அணுகி அறிந்துகொள்ளலாம்.

ஏற்கெனவே ஆன்-லைனில் விண்ணப்பித்து ஹால் டிக்கெட்டுகளைப் பதிவிறக்கம் செய்துகொள்ளாத தனித்தேர்வர்களும், இணையதளத்திலிருந்து உடனடியாக ஹால் டிக்கெட்டுகளைப் பதிவிறக்கம் செய்துகொள்ளலாம் எனவும் அறிவிக்கப்பட்டுள்ளது.