10 மற்றும் 12-ம் வகுப்பு தேர்வு முடிவு தேதி அறிவிப்பு

மே 9-ந்தேதி 12-ம் வகுப்பு தேர்வு முடிவும், மே 23-ந்தேதி 10-ம் வகுப்பு தேர்வு முடிவும் வெளியாகும்  என்று அரசு தேர்வுத்துறை இயக்ககம் தெரிவித்துள்ளது.

இதுதொடர்பாக வெளியிடப்பட்டுள்ள செய்திக்குறிப்பில், மேல்நிலைப் பொதுத் தேர்வு முடிவுகள், மே மாதம் 9-ஆம் தேதி காலை 10 மணிக்கு வெளியிடப்படும் என்று தெரிவிக்கப்பட்டுள்ளது.

இதேபோல் தற்போது நடைபெற்று வரும் 10-ஆம் வகுப்பு தேர்வு முடிவுகள், மே 23-ஆம் தேதி காலை 10 மணிக்கு வெளியிடப்படும் என்று அறிவிக்கப்பட்டுள்ளது.

தேர்வு முடிவுகளை அறிந்து கொள்வதற்கான இணையதள முகவரிகள் தேர்வர்களுக்கு பின்னர் அறிவிக்கப்படும் என்றும் அரசுத் தேர்வுகள் இயக்ககம் வெளியிட்டுள்ள செய்திக் குறிப்பில் தெரிவிக்கப்பட்டுள்ளது.