TNPSC: Gr.4 தேர்வு இலவச பயிற்சி வகுப்பு நவ. 10 இல் தொடக்கம்

குரூப்-4 தேர்வுக்கு விண்ணப்பித்தவர்களுக்கு தூத்துக்குடி மாவட்ட வேலைவாய்ப்பு அலுவலகத்தில் நவம்பர் 10 ஆம் தேதி முதல் இலவச பயிற்சி வகுப்பு நடைபெறுகிறது.

 இதுகுறித்து மாவட்ட வேலைவாய்ப்பு அலுவலர் நாகேந்திரன் வெளியிட்ட செய்திக் குறிப்பு:

  தமிழ்நாடு அரசுப்பணியாளர் தேர்வாணையம் மூலம் குரூப்-4  2014-க்கான தேர்வு டிசம்பர் 21 ஆம் தேதி நடைபெறுகிறது. இந்தத் தேர்வு எழுத விரும்புவோர் நவம்பர் 12 ஆம் தேதிக்குள் ஆன்லைன் மூலமாக விண்ணப்பிக்க வேண்டும்.

 விண்ணப்பம் செய்த மனுதாரர்களுக்கு மாவட்ட வேலைவாய்ப்பு அலுவலகத்தின் மூலம் இலவச முன் பயிற்சி வகுப்பு நவம்பர் 10 ஆம் தேதி முதல் டிசம்பர் 12 ஆம் தேதி வரை ஞாயிற்றுக்கிழமை தவிர அனைத்து வேலை நாள்களிலும் நடைபெற உள்ளது.

 எனவே, விண்ணப்பம் செய்திருந்து விருப்பம் உள்ள மனுதாரர்கள் விண்ணப்பம் செய்ததற்கான பதிவிறக்கம் செய்யப்பட்ட விண்ணப்பப்படிவத்துடன் நவம்பர் 10 ஆம் தேதி பகல் 2 மணிக்கு தூத்துக்குடி மாவட்ட வேலைவாய்ப்பு அலுவலகத்தில் நடைபெறும் இலவச முன் பயிற்சி வகுப்பில் கலந்து கொள்ளலாம் என செய்திக் குறிப்பில் தெரிவிக்கப்பட்டுள்ளது.